រមនីយដ្ឋានធម្មជាតិរលួសធំ ឬ ដីដុះ
បើយើងធ្វើដំណើរឆ្លងកាត់ខេត្តឧត្តមានជ័យ យើងមិនភ្លេចចូលលេងរមនីយដ្ឋាន
ធម្មជាតិរលួសធំ ឬ ដីដុះឡើយ។
រមនីយដ្ឋានធម្មជាតិរលួសធំ ស្ថិតនៅក្នុងភូមិរលួស ស្ថិតនៅក្នុង ស្រុកសំរោង ខេត្តឧត្តរមានជ័យ ធ្វើដំណើរចេញពីក្រុងសំរោងចម្ងាយប្រហែល៣១គីឡូម៉ែត្រ។
នៅតាមផ្លូវរាបស្មើយើងឃើញមានដើមឈើនិងព្រៃឈើជាច្រើន
ហើយនៅខាងឆ្វេងដែលមានជួរភ្នំដ៏វែងមួយដែលគេស្គាល់ច្បាស់ថាជាជួរភ្នំដងរែក។ក្រៅពីនេះ
នៅមានផ្ទះអ្នកស្រុកនៅរាយប៉ាយតាមដងផ្លូវ លាយឡំជាមួយនឹង រណ្តៅទឹកតូចៗ ឡធ្យូង
និង អណ្តូងទឹកដែលអ្នកស្រុកបានបង្កើតឡើងដើម្បីដោះស្រាយការរស់នៅប្រចាំថ្ងៃ។
ប្រៀបបីដូចជាប្រាសាទនៅក្នុងនៅក្នុងបាតរណ្តៅ ប៉ុន្តែ ពេលដែលយើងទៅទស្សនាជុំវិញទីនោះ យើងឃើញមានផ្ទាំងថ្មធំៗ រឹងមាំពណ៌ក្រហម ផុសចេញពីដីរាប ស្ទើតែគ្រប់ទីកន្លែង។បើយើងឈរក្បែរផ្ទាំងថ្មទាំងនោះ កំពស់របស់វា ហាក់ដូចជាខ្ពស់ណាស់ ប៉ុន្តែ កំពស់របស់វា បានត្រឹមតែយ៉ាងច្រើនត្រឹមតែប្រហែលជា៥ម៉ែត្រប៉ុណ្ណោះ។
ចំណែកដើមឈើជុំវិញទីនោះ បានរំលេចពណ៌បៃតង កាន់តែស្រស់ស្អាតថែមមួយកម្រឹតទៀត។ក្លិនក្រអូបនៃផ្កាព្រៃ ពិតជាក្រអូបមិនចាញ់សួននានាដែលបានរៀបចំនោះឡើយ។បើនិយាយពីសម្រស់ផ្កាព្រៃទាំងនោះ ស លឿង ក្រហម ស្វាយ ចម្រុះពណ៌ គួរឱ្យចង់គយគន់។
បន្ទាប់ពីការទស្សនាទិដ្ឋភាពទាំងនេះ មានកញ្ចុះតូច សម្រាប់ឈប់សម្រាក និង បរិភោគអាហារ។
